قررت ان يكون عقلى مع البرادعى
قلبى مع خالد على
سمعى مع ابو الفتوح
صوتى لحمدين صباحى

أي مرشح ثوري هيفوز مكسب لينا احنا وهنقف معاه كلنا ايد واحدة

الشاعر جمال بخيت يعلن تايده لحمدين صباحى فى قصيده شعريه 

-------------------------------------------------------------

صوتى لحمدين صباحى

صـوتى لـلنـاس والنـيل

والصبح أبووش جميل
نجمة.. ف الضلمة دليل
ونايات..بتنادى صباحى
صوتى لحمدين صباحى

* * *
صـوتـى لـصـلاح الديــن
نـاصر سـتـة وخـمـسـيـن
ماشي ف وسط الملايـيـن
ميادين..وواحات..ونواحى
صـوتى لحمدين صباحي

* * *
صـوتى لـلكـلـمة الـحـرة
أتـقـالـت مـليــون مـــرة
ف الـثورة وقبل الـثورة
كـانـت بـتهــز ريـاحـى
صوتى لحمدين صباحى

* * *
صوتى لمصر العربية
أحـلـى نـسـيـم لـلحرية
لجل البنت المـصـرية
أم الــخــد الـتـفــاحــى
صوتى لحمدين صباحى

* * *
صـوتـى وكـأنه حـبيـب
أو قـصة كـتبها نجـيـب
صـوتى زى الجـلاليب
زى الـزبـدة الـفـلاحــى
صوتى لحمدين صباحى

* * *
صـوتى لكـل الـشـغـيلة
لـلقـطـن طـويل الـتـيـلة
لـلـنوبـة..وسـيـنا جمـيلة
قمحى..وموسم أفراحـى
صوتى لحمدين صباحى

* * *
صـوتى لـرجـال أعمال
والـلـى يـتـاجـر بحلال
لـلعـلـمـا .. والعـمــــال
واللى يصنع لى سلاحى
صوتى لحمدين صباحى

* * *
يـا أبويا يا خويا يا أمى
صوتى لواحد من دمى
ما أقبلش أعيش متغمى
ونجاح العقل .. نجاحى
صوتى لحمدين صباحى